சென்னை கார்ரேஸ் | நடப்பதற்கு இதுதான் காரணமா?
சென்னை கார்ரேஸ்:-
இந்தியா மட்டுமின்றி, ஒட்டுமொத்த மோட்டார்ஸ்போர்ட் (Motorsport) உலகமும், தற்போது தமிழக தலைநகர் சென்னையை (Chennai) உன்னிப்பாக கவனித்து வருகிறது. இதற்கு காரணம் சென்னையின் ஃபார்முலா 4 கார் ரேஸ்தான் (Chennai Formula 4 Car Race) இதற்கு காரணமாகும். சென்னைக்கு பல வித பெருமைகள் இருந்த போதிலும் கூடுதல் பெருமை சேர்க்க கூடிய இந்த மோட்டார்ஸ்போர்ட் திருவிழாவை, தமிழக விளையாட்டு துறை அமைச்சரான உதயநிதி ஸ்டாலின் (Udhayanidhi Stalin) தொடங்கி வைத்தார். இதற்காக சினிமா பிரபலங்கள் உள்பட பல தரப்பினரும், அமைச்சர் உதயநிதி ஸ்டாலினுக்கு வாழ்த்துக்களை தெரிவித்து வருகின்றனர்.
ஒருபக்கம் இது சென்னைக்கு புகழைப் பெற்று தந்த போதிலும மறுபக்கம் சென்னை ஃபார்முலா 4 கார் ரேஸ், சமூக வலை தளங்களில் குறிப்பிடத்தகுந்த சர்ச்சை ஒன்றையும் ஏற்படுத்தியுள்ளது. சிங்கார சென்னையில் ஃபார்முலா 4 கார் ரேஸ் நடைபெறுவதற்கு காரணம் தமிழ் திரைப்பட நடிகையான நிவேதா பெத்துராஜ்தான் (Nivetha Pethuraj) என சமூக வலை தளங்களில் பெரும்பாலோனர் பேசி வருகின்றனர்.
அத்துடன் சென்னை ஃபார்முலா 4 கார் ரேஸில் நிவேதா பெத்துராஜ் கலந்து கொள்ளவிருப்பதாக பலர் பேசி வருவதையும் சமூக வலை தளங்களில் நம்மால் பார்க்க முடிகிறது. இது தொடர்பான மீம்ஸ்கள் (Memes) சமூக வலை தளங்கள் அனைத்திலும் கட்டுக்கடங்காமல் பரவி கொண்டுள்ளன. ஆனால் இவை எதுவுமே உண்மை கிடையாது. கடந்த ஒரு சில மாதங்களுக்கு முன்பு தமிழக விளையாட்டு துறை அமைச்சர் உதயநிதி ஸ்டாலினையும், நடிகை நிவேதா பெத்துராஜையும் இணைத்து கிசுகிசுக்கள் எழுந்தன. ஆனால் அவற்றை மறுத்து, நிவேதா பெத்துராஜ் காட்டமான அறிக்கை ஒன்றை வெளியிட்டார்.
”தவறான தகவல்களை பரப்புவதற்கு முன்னால் கொஞ்சம் சிந்தியுங்கள். நான் கண்ணியமான குடும்பத்தில் இருந்து வந்துள்ளேன். தங்கள் குடும்பத்தில் உள்ள குடும்பப் பெண்களை போல், நானும் தொடர்ந்து ஒரு அமைதியான மற்றும் கண்ணியமான வாழ்க்வையே வாழ விரும்புகிறேன்” என நிவேதா பெத்துராஜ் அந்த அறிக்கையில் குறிப்பிட்டிருந்தார்.
சென்னை கார்ரேஸ் :-
இப்படிப்பட்ட சூழலில்தான், தற்போது சென்னையில் ஃபார்முலா 4 கார் ரேஸ் நடைபெறுவதற்கு காரணமே நிவேதா பெத்துராஜ்தான் என பலரும் யூகங்களை கிளப்பி வருகின்றனர். அவர்கள் பகிரும் புகைப்படங்கள் மற்றும் வீடியோக்களில், நிவேதா பெத்துராஜ் கார் ரேஸில் கலந்து கொள்வதற்கு ஏற்ற உடையில் இருப்பதை நம்மால் பார்க்க முடிகிறது. ஆனால் உண்மையில் அவர் சென்னை ஃபார்முலா 4 கார் ரேஸில் கலந்து கொள்ளவில்லை. சென்னை ஃபார்முலா 4 கார் ரேஸில் கலந்து கொள்ளும் டிரைவர்களின் முழுமையான பட்டியல் (Drivers List) சமீபத்தில் அதிகாரப்பூர்வமாக வெளியிடப்பட்டது. இதில், நிவேதா பெத்துராஜின் பெயர் இல்லை.
அப்படியென்றால் சினிமா நடிகையான நிவேதா பெத்துராஜ், ‘கார் ரேஸிங் சூட்’ உடன் காணப்படும் புகைப்படங்கள் மற்றும் வீடியோக்கள் பற்றி பார்க்கும் நபர்களுக்கு சந்தேகம் வரலாம். ஆனால் உண்மை என்னவென்றால், நிவேதா பெத்துராஜ் அடிப்படையிலேயே ஒரு கார் ரேஸர்தான்! இதை நிரூபிப்பதற்கான ஆதாரங்கள் உள்ளன. நிவேதா பெத்துராஜின் கார் ரேஸிங் சான்றிதழை நீங்கள் மேலே புகைப்படமாக பார்க்க முடியும்.
சென்னை கார்ரேஸ்:-
மாநகராட்சி நகரமான கோவையில் (Coimbatore) அமைந்திருக்கும் கரி மோட்டார் ஸ்பீடுவே டிராக்கில் (Kari Motor Speedway Track), கடந்த 2021ம் ஆண்டு நடைபெற்று முடிந்த ஃபார்முலா ரேஸ் கார் பயிற்சி திட்டத்தின் முதலாவது பிரிவை நிவேதா பெத்துராஜ் வெற்றிகரமாக நிறைவு செய்ததற்காக வழங்கப்பட்ட சான்றிதழ்தான் தாங்கள் மேலே பார்க்ககூடிய இந்த புகைப்படம்.
அடிப்படையிலேயே கார் ரேஸர் என்பதால், நிவேதா பெத்துராஜை ‘கார் ரேஸிங் சூட்’ உடன் பார்ப்பதில் ஆச்சரியம் ஒன்றுமில்லை. இந்த புகைப்படங்கள் மற்றும் வீடியோக்களுக்கும், சென்னை ஃபார்முலா 4 கார் ரேஸிற்கும் எந்த சம்பந்தமும் இல்லை என்பதை இதன் மூலமாக நீங்கள் தெளிவாக புரிந்து கொள்ள முடியும்.
டிரைவ்ஸ்பார்க் தமிழ் கருத்து: உலக விளையாட்டு வரைபடத்தில் சென்னையை மீண்டும் இடம்பெற வைக்க வேண்டும் என்ற நோக்கத்திலேயே, இங்கு ஃபார்முலா 4 கார் ரேஸ் நடத்தப்படுவதாக உதயநிதி ஸ்டாலின் கூறியுள்ளார். அத்துடன் கடந்த ஒரு சில மாதங்களுக்கு முன்பு சர்ச்சை எழுந்தபோதே, சென்னையில் கார் ரேஸ் நடைபெறுவது பற்றி எனக்கு எதுவும் தெரியாது என்பதை நிவேதா பெத்துராஜூம் தெளிவுபடுத்தியுள்ளார்.
அத்துடன் கார் ரேஸிங் என்பது தன்னுடைய ‘பேஷன்’ என்பதையும் அவர் பொதுவெளியில் விளக்கியுள்ளார். எனவே எப்படிப்பட்ட சூழ்நிலையிலும் எந்தவொரு தகவலையும் சமூக வலை தளங்களில் பதிவிடுவதற்கு முன்னால், அதனுடைய உண்மைத்தன்மையை சரிபார்த்து கொள்வது நல்லது என்பது எங்களுடைய தாழ்மையான கருத்து. இது சம்பந்தப்பட்ட தனி நபர்களின் தனியுரிமையை காப்பதற்கு உதவி செய்யும்.